بھکر میں 6 دن کی نئی دلہن غائب ہونے پر بے بس دولہا شکایت لے کر تھانے پہنچ گیا۔
پنجاب کے ضلع بھکر میں شادیوں کی آڑ میں منظم گروہ کی جانب سے لوٹ مار کا انکشاف ہوا۔ ڈی پی او شہزاد رفیق کے نوٹس پر نو سر باز گروہ کے خلاف مقدمہ درج کرلیا ۔
سادہ لوح دیہاتی کو جال میں پھنسایا، ملزمہ کوثر بی بی نے اپنے دیگر تین ساتھیوں ہمرا منظم گروہ بنایا ہوا ہے جو شادیوں کی آڑ میں بھاری رقم وصول کر کے رفو چکر ہو جاتے ہیں۔
متاثرہ دولہا کا کہنا ہے کہ کوثر بی بی طلائی زیورات، چوڑیاں، اور بالیاں لے کر فرار ہوئی، 14 لاکھ روپے چوری کا مقدمہ دلہن سمیت اس کے تین ساتھیوں کے خلاف درج کیا گیا۔
ملزمان میں کوثر بی بی، محمد حسین، محمد رمضان، علی محمد بھی شامل ہیں۔ پولیس نے دو ملزمان محمد حسین اور محمد رمضان کو گرفتار کرلیا۔
واپس آئیں ۔
کوئی غلط کمنٹ سے گریز کریں