دھماکے کے زخمیوں کو فوری طبی امداد دینے کے لیے عملہ کو الرٹ رکھنے کا حکم بھی دیا۔

 

خیبر پختونخوا کے شہر نوشہرہ میں دارالعلوم حقانیہ اکوڑہ خٹک کی جامع مسجد میں خودکش دھماکے  میں جمعیت علمائے اسلام (س) کے سربراہ مولانا حامد الحق سمیت 4 افراد شہید اور 20 زخمی 

ریسکیو 1122 کے مطابق حقانیہ مدرسہ اکوڑہ خٹک میں دھماکے کی اطلاع ریسکیو کنٹرول روم کو موصول ہوئی تھی، اطلاع ملنے پر ریسکیو ٹیمیں 6 ایمبولینس بمعہ میڈیکل ٹیموں اور  فائر ٹیم موقع پر پہنچ گئیں۔

بیان میں کہا گیا کہ دھماکے نتیجے میں 20 افراد زخمی ہوئے جن میں سے کئی کی حالت تشویشناک بتائی جاتی ہے

آئی جی خیبر پختونخوا ذوالفقار حمید نے کہا کہ حملہ ٹارگیٹڈ تھا جس میں 3 سے 4 افراد شہید ہوئے،  اور حملے میں مولانا حامد الحق نشانہ تھے۔

دھماکے کے بعد پولیس نے علاقےکو گھیرے میں لے لیا، اور ڈی پی او نوشہرہ عبدالرشید کے مطابق دھماکا خودکش تھا۔

پولیس کے مطابق دھماکا جمعہ کی نماز کی ادائیگی کے بعد مسجد کے مرکزی ہال میں ہواہے

دھماکے کے بعد نوشہرہ کے ہسپتالوں کے علاوہ پشاور کے تین بڑے ہسپتالوں میں فوری ایمرجنسی نافذ کردی گئی ہے۔

 

انہوں نے کہا کہ مولانا حامد الحق کی شہادت ایک ناقابل تلافی نقصان ہے، مولانا حامد الحق ایک جید عالم دین تھےاسلام کے لیے بے پناہ خدمات ناقابل فراموش ہیں۔

اظہار مذمت

وزیر اعظم شہباز شریف نے دارالعلوم حقانیہ اکوڑہ خٹک میں دھماکے کی شدید مذمت کرتے ہوئے فوری رپورٹ طلب کر لی۔

شہبازشریف نے جے یو آئی (س) کے سربراہ مولانا حامد الحق اور دیگر زخمیوں کی صحتیابی کی دعا کی اور زخمیوں کو ہر ممکن طبی امداد فراہم کرنے کی ہدایت ۔

ان کا کہنا تھا کہ بزدلانہ اور مذموم دہشت گردی کی کارروائیاں دہشت گردی کے خلاف عزم کوپست نہیں کر سکتیں، ملک سے ہر قسم کی دہشت گردی کے مکمل خاتمے کے لیے پر عزم ہیں۔

انہوں نے دھماکے کے زخمیوں کو فوری طبی امداد دینے کے لیے عملہ کو الرٹ رکھنے کا حکم بھی دیا۔

گورنر خیبرپختونخوا فیصل کریم کنڈی نے بھی نوشہرہ میں مدرسہ حقانیہ اکوڑہ خٹک میں دھماکے پر اظہار مذمت کرتے ہوئے اعلیٰ حکام سے واقعے کی فوری رپورٹ طلب کرلی۔

اپنے بیان میں فیصل کریم کنڈی نے مولانا حامد الحق حقانی اور دیگر شہیدوں کے لیے نیک خواہشات کا اظہار کیا۔

ان کا کہنا تھا کہ جامعہ حقانیہ اکوڑہ خٹک دھماکا اسلام اور پاکستان دشمن قوتوں کی ایک سازش ہے، 

امیر جماعت اسلامی حافظ نعیم الرحٰمن نے جامعہ حقانیہ اکوڑہ خٹک میں بم دھماکے کی شدید مذمت کی ہے، 

انہوں نے کہا کہ دھماکا امن کو تباہ کرنے کی ایک سازش ہے، 

جامعہ مسجد کو نشانہ بنانا انتہائی افسوس کا باعت ہے ، ملک دشمن قوتیں، مذموم مقاصد کے تحت پاکستان میں شرپسندی کو ہوا دے رہی ہیں۔

ان کا کہنا تھا کہ امن قائم کرنا حکومت کی ذمہ داری ہے ، شہدا کے لواحقین کے غم میں برابر شریک ہیں۔

واپس آئیں ۔

کیا آپ ہمارے ساتھ شامل ہونا چاہتےہیں؟