لاہور؛ کے شہریوں کو بوگس چیک دینے والا اشتہاری ملزم گرفتار
ملزم وسیم نے شہریوں کو لین دین کے معاملے میں بہت سے لوگوں کو بوگس چیک دیے تھے جس کے بعد روپوش تھا
مغلپورہ پولیس نے کارروائی کرتے ہوئے فنانشل کرائم کے 6مقدمات میں مطلوب اشتہاری ملزم وسیم کو گرفتار کر لیا ہے۔
ڈی آئی جی انویسٹی گیشن سید ذیشان رضا کی ہدایت پر فنانشل کرائم کے اشتہاری ملزمان کے خلاف کریک ڈاؤن جاری اور انچارج انویسٹی گیشن تھانہ مغلپورہ وقاص احمد نے پولیس ٹیم کے ہمراہ کارروائی
انچارج انویسٹی گیشن کے مطابق ملزم وسیم لاہور کے مختلف تھانوں کے علاوہ وہاڑی پولیس اور دیگر کرائم کے مقدمہ میں مطلوب تھا، ملزم وسیم نے شہریوں کو لین دین کے معاملے میں کئی بوگس چیک دیے تھے جس کے بعد روپوش تھا۔
انچارج انویسٹی گیشن مغلپورہ نے بتایا کہ ملزم کو جدید ٹیکنالوجی سمیت ہیومن انٹیلیجنس کی مدد سے گرفتار کیا گیا ہے، پولیس پراسیکیوشن پارٹنر شپ کی مدد سے گرفتار ملزمان کو جلد ہی قرار واقعی سزا دلوائی جائے گی۔
ڈی آئی جی انویسٹی گیشن نے کہا کہ فنانشل کرائم کے اشتہاری ملزمان کے خلاف انویسٹی گیشن پولیس لاہور میں کریک ڈاؤن جاری رہے گا۔ ایس ایس پی انویسٹی گیشن محمد نوید کی طرف سے پولیس ٹیم کے لیے انعامات تعریفی اسناد
کا اعلان بھی کیا گیا۔
کوئی غلط کمنٹ سے گریز کریں